មូលនិធិហេនរេចបូល
យើងជាអ្នកណា
មូលនិធិហេនរេចបូល គឺជាផ្នែកមួយរបស់ចលនានយោបាយបៃតងដែលកំពុងអភិវឌ្ឍពាសពេញពិភពលោកដែលនេះជាការឆ្លើយតបទៅនឹងទំលាប់នយោបាយរបស់សង្គមនិយមសេរីនិយមនិងអភិរក្សនិយម។ឈ្មោះរបស់យើងបានមកពីអ្នកនិពន្ធនិងជាអ្នកទទួលបានរង្វាន់ណូបែលគឺលោកហេនរេចបូល(Heinrich Boll)ដែលរូបគាត់គឺជាអ្នកអោយតម្លៃទៅលើអ្វីដែលយើងកំពុងទាមទារគឺៈ សេរីភាព ពលរដ្ឋក្លាហាន ការអធ្យាស្រ័យ ការជជែកពិភាក្សា ដែលប្រកបដោយបរិយាកាស សេរី និងឯករាជ្យ។
ទីស្នាក់ការកណ្តាលរបស់មូលនិធិហេនរេចបូលគឺស្ថិតនៅទីក្រុងប៊ែកឡាំងនៃប្រទេសអាឡីម៉ង់។ កម្មវិធីអន្តរជាតិរបស់យើងបាននិងកំពុងអនុវត្តតាមរយៈការិយាល័យ២៨នៅទូទាំងពិភពលោកដោយក្នុងនោះមានការិយាល័យចំនួន៦ស្ថិតក្នុងទ្វីបអាស៊ី។
អ្វីដែលយើងកំពុងធ្វើ
មូលនិធិហេនរេចបូលផ្តោតសំខាន់លើបញ្ហាដែលទាក់ទងនឹងអេកូឡូស៊ី និងការអភិវឌ្ឍប្រកបដោយនិរន្តរភាពប្រជាធិបេតយ្យនិងសិទ្ធិមនុស្សការសំរេចចិត្តដោយផ្ទាល់ខ្លួននិងយុត្តិធម៌។
យើងធ្វើការសង្កត់ធ្ងន់ជាពិសេសទៅលើបញ្ហា ប្រជាធិបតេយ្យយេនឌ័រដែលសំដៅលើភាពឯករាជ្យសង្គមនិងសិទ្ធិស្មើគ្នារវាងបុរសនិងស្រ្តី។
នៅអាស៊ីអគ្នេយ៍កិច្ចការលើផ្នែកប្រជាធិបតេយ្យបង្កើតនូវយុទ្ធសាស្រ្តចែករំលែកដើម្បីចូលរួមដោយលក្ខណៈប្រជាធិបតេយ្យ នៅក្នុងប្រទេសកម្ពុជា ថៃ និងភូមា តាមរយៈការលើកស្ទួយគំនិតផ្តួចផ្តើមរបស់សង្គមស៊ីវិលប្រជាធិបតេយ្យយេនឌ័រ និងព័ត៌មានប្រជាធិបតេយ្យ។
កិច្ចការរបស់យើងដែលពាក់ព័ន្ធនឹងផ្នែកអាកាសធាតុអេកូឡូស៊ីនិងអភិបាលកិច្ចធនធានជួយធ្វើអោយប្រសើរឡើងនូវនិរន្តរភាពអេកូឡូស៊ី និងសង្គមនៅក្នុងតំបន់ព្រមទាំងឆ្លើយតបទៅនឹងបញ្ហាប្រឈមនឹងការប្រែប្រួលអាកាសធាតុរបស់ពិភពលោកផងដែរ។