ករណីសិក្សា
ករណីរបស់អ្នកស្រីថ្លាង យឿង
ករណីរបស់អ្នកស្រីថ្លាង យឿង
អ្នកស្រីថ្លាង យឿងអាយុ៤៦ឆ្នាំ បច្ចុប្បន្នរស់នៅភូមិកូនត្នោត ឃុំជ័យ ស្រុកកំពុងស្វាយ ខេត្តកំពុងធំមានស្វាមីឈ្មោះ ចាន់ អាន អាយុ៥២ឆ្នាំ បច្ចុប្បន្នគឺពួកគាត់ពុំបានចុះសំបុត្រអាពាហ៍ពិពាហ៍។អ្នកស្រីថ្លាង យឿង និងស្វាមីមានកូន៤នាក់ ប្រុស៣នាក់ ស្រី១នាក់ មកដល់បច្ចុប្បន្នកូនដែលរស់នៅក្នុងបន្ទុករបស់គាត់គឺមាន៣នាក់រីឯកូនម្នាក់ទៀតបានចំណាកស្រុកទៅរកស៊ីប្រទេសថៃដើម្បីរកប្រាក់ជួយផ្គត់ផ្គង់គ្រួសារសារពីព្រោះអ្នកស្រី ថ្លាង យឿង បានចែកផ្លូវពីប្តីប្រហែល៩ឆ្នាំទៅហើយបើគិតចាប់តាំងពីកូនប្រុសពៅរបស់គាត់ឈ្មោះ ណាង បានចាប់កំណើតហើយសព្វថ្ងៃនេះកូនរបស់គាត់មានអាយុ៩ឆ្នាំ នឹងកំពុងរៀនថ្នាក់ទី៣។ មូលហេតុដែលបណ្តាលឲ្យមានការបែកបាក់បណ្តាលមកពីប្តីផឹកស្រានិងមើលបំណាំប្រពន្ធ ថាអ្នកស្រី ថ្លាង យឿង ពុំដែលជួយរកស៊ីអ្វីទេមួយថ្ងៃៗ បន្ទប់ពីចុះចេញពីផ្ទះ លោក ចាន់ អាន ដែលជាប្តីបានយកប្រពន្ធថ្មីមានកូន២-៣នាក់ទៀតហើយ។
សព្វថ្ងៃអ្នកស្រី ថ្លាង យឿង ប្រកបមុខរបរលក់នំបញ្ចុក និងធ្វើស្រែវស្សាដើម្បីចិញ្ចឹមម្តាយជរា ក្មួយ និងកូនៗទាំងបីនាក់ក្នុងមួយថ្ងៃអ្នកស្រីអាចរកចំណូលបានពីការនំបញ្ចុកបាន៣០០០រៀលហើយចំណាយទៅវិញលើម្ហូបអស់២០០០រៀលនិងចំណាយទៅលើកូនរៀនអស់១៤០០រៀលថែមទៀតនិងប្រមូលផលពីការធ្វើស្រែបាន៣០-៤០ថាំងក្នុងមួយឆ្នាំ។
ទ្រព្យសម្បត្តិដែលអ្នកស្រីមាននៅពេលបច្ចុប្បន្នរួមមានដីភូមិ និងផ្ទះមេគោ៤ក្បាលរទេះមួយដីស្រែកន្លះហិចតាកង់២និងដីព្រៃចំនួន២ហិចតាកន្លះ(ដីព្រៃរបស់អ្នកស្រីគឺមានចុងសន្លឹកប៉ុន្តែក្រៅពីនោះមិនមានទេ)
បញ្ហាដែលអ្នកស្រី ថ្លាង យឿង កំពុងជួបប្រទះសព្វថ្ងៃនេះគឺៈ
១. កូនទាំងបីរបស់អ្នកស្រីរៀនទាំងអស់គ្នា
២. ចំណូលដែលរកបានមិនគ្រប់គ្រាន់ទៅលើការចំណាយ( ដាំបាយក្នុងមួយថ្ងៃអស់១០កំប៉ុងអង្ករ)
សំណូមពរៈ
១. ដីពិតជាមានសារៈសំខាន់ណាស់សំរាប់គ្រសារខ្ញុំ ដូច្នេះខ្ញុំសូមសំណូមពរឲ្យអាជ្ញាធរភូមិ/ឃុំធើ្វការផ្សព្វផ្សាយអំពីការចុះបញ្ជីដីធ្លីឲ្យបានទូលំទូលាយ
២. សំណូមពរឲ្យប្រជាជនទាំងអស់ទៅធ្វើចុងសន្លឹកបញ្ជាក់ពីការកាន់កាប់ដីធ្លី ពីព្រោះថាបើមានចុងសន្លឹកងាយស្រួលក្នុងការចែកឲ្យកូនចៅ